Azərbaycan, Bakı, 13 dekabr /Trend, müxbir H.Vəliyev/
2009-cu ilin dekabrından etibarən Azərbaycanın sosial şəbəkəsi YALLI-nın (yalli.az) istifadəçilərinin sayı 70,5 faiz artıb. Bu barədə Trend-ə bazar ertəsi "Yumroo" şirkətinin icraçı direktoru Hikmət Hüseynov deyib.
Hüseynovun sözlərinə görə, son ildə sosial şəbəkədə qeydiyyatdan keçənlərin sayı 4,8 min artaraq 6,8 min istifadəçiyə çatıb.
"Biz "SocialEngine" platformasının dördüncü versiyasına keçiriləcək YALLI sisteminin sıxlığının yeniləşdirilməsi üzrə işlər aparırıq. Bu gün biz dördüncü versiyada daha az funksional olan plaginlərin iş qabiliyyətini sınaqdan keçiririk. Məsələn, əvvəlki versiyada funksional olan saytın "wap" versiyası yeni platformada işləmir. Odur ki, YALLI-nın yeni platformaya keçirilməsi ilə şəbəkə istifadəçilərinin əvvəllər istifadə edə bildikləri funksiyalardan resursun yeni versiyasında da istifadə etməyin mümkün olması üçün iş aparırıq", - Hüseynov bildirib.
Hazırda şəbəkədə 35 mindən çox məlumat, 530 şərh, 3,6-dan çox videofayl, 522 pley-list, 34,3 mindən çox foto və s. qeydə alınıb.
Milli şəbəkənin əsas istifadəçiləri 15 və 30 yaş arasında olan gənclərdir. YALLI şəbəkəsində qeydə alınanların xeyli hissəsi regiondan olan (Gəncə, Mingəçevir, Qazax, Cəlilabad, Neftçala, Zaqatala və s.) istifadəçilərdir. Şəbəkədə Türkiyə, İran, Rusiya və Almaniyada yaşayan soydaşlarımız da qeydiyyatdan keçib.