Azərbaycan, Bakı, 15 dekabr /Trend, müxbir H.Vəliyev/
Azərbaycanın İT şirkəti "IT Computing" ABŞ istehsalçısı "Juniper Networks"un telekommunikasiya avadanlığının iki banka tədarükünü həyata keçirib. Bu barədə çərşənbə günü Trend-ə "IT Computing" şirkətinin direktoru Mirağa Nağıyev bildirib.
Nağıyevin sözlərinə görə, bu günə "Juniper Networks"un avadanlığı onları almağa hazır olduqlarını bildirən Standart və BTB banklarında yoxlamadan keçib.
Həmçinin "Azerfon-Vodafone" və "Azertelekom" şirkətləri "Juniper Networks"un marşrutizatorlar və şəbəkə avadanlığını almaq istədiklərini bildiriblər. Söhbət gələcəkdə 4G texnologiyasına keçid üçün istifadə oluna biləcək buraxılış imkanına malik şəbəkə ilə bağlı məsələləri həll etməyə imkan verən qərarlardan gedir", - Nağıyev deyib.
İlin əvvəlində "Juniper Networks" mobil şəbəkələrin strukturunun sadələşdirilməsi, həmçinin 3G-dən 4G və LTE şəbəkələrinə keçidin təminatına yönəldilmiş mobil rabitə operatorları üçün üç yeni qərar təqdim edib. Birinci qərar "Juniper Traffic Direct" smartfon, netbuk və noutbukların geniş yayılması üzrə mobil trafikin kəskin artması probleminin həllinə yönəldilib. "Traffic Direct" şəbəkədə yüklənməni aşağı salmağa və mövcud mobil infrastruktura təsiri minimuma endirməyə imkan verir. İkinci qərar - "Juniper Media Flow" smartfonlar və digər mobil qurğularla işdə televiziya keyfiyyətinə nail olmağa imkan verərək video və multimedia məlumatlarının tez və effektiv ötürülməsi üçün mobil şəbəkələri optimallaşdırır. "Juniper Mobile Core Evolution" adlı üçüncü qərar vahid şəbəkə çərçivəsində 3G və 4G ödənişli xidmətlərini açmağa imkan verən açıq infrastruktur bazasında müdafiə olunmuş mobil paket şəbəkəsini özündə əks etdirir.
