Azərbaycan, Bakı, 12 yanvar /Trend, müxbir H.Vəliyev/
Naxçıvan Muxtar Respublikasında simsiz CDMA rabitə standartının operatoru Naxtel abunəçilərinin sayı 2010-cu ilin yekunları üzrə 812 ədəd artıb. Bu barədə çərşənbə günü NMR Rabitə və İnformasiya Texnologiyaları Nazirliyinin məlumatında deyilir.
Nazirliyin məlumatına görə, yanvarın 1-nə olan vəziyyətə görə operatorun abunə bazası 6247 ədədə çatıb.
Bu gün Naxtel simsiz rabitə şəbəkəsi MR ərazisinin 85 faizini əhatə edir.
CDMA simsiz şəbəkə örtüyü zonasının artırlması məqsədilə operator tərəfindən əlavə olaraq altı baza stansiyası üzrə iki kanal yaradılıb. Eləcə də operator tərəfindən Şahbuz və Culfa rayonlarında iki yeni baza stansiyaları qurulub. Naxtel şəbəkəsində baza stansiyalarının ümumi sayı 22 ədədə çatdırılıb.
CDMA standartı əhalisi az olan və ucqar rayonlarda iqtisadi baxımdan sərfəlidir və ənənəvi simli telefoniyanın alternatividir. Ondan istifadə ayrı-ayrı regionların telefon rabitəsinin təmin olunması üçün daha böyük imkanlar verir. CDMA şəbəkəsi DSL genişzolaqlı çıxışa alternativdir və kabel çəkilişləri üçün maddi xərclərin son dərəcə yüksək oluduğu ucqar rayonlarda məlumatdan istifadə etməyi asanlaşdırmağa imkan verir.