Azərbaycan, Bakı, 31 yanvar /Trend, müxbir H.Vəliyev /
Azərbaycan postsovet ölkələri arasında Mail.Ru portalının istifadəçilərinin sayına görə beşinci-altıncı yeri tutur. Bu barədə bazar ertəsi şirkətin məlumatında deyilir.
Şirkətin statistik açıqlamalarına görə, son həftə ərzində Azərbaycanda Mail.Ru portalından 692 min nəfər istifadə edib.
İnternet-portaldan istifadə edənlər dördlüyünə Rusiya (39,817 milyon istifadəçi), Ukrayna (7,199 milyon), Qazaxıstan (2,947 milyon) və Belarus (1,713 milyon istifadəçi) daxildir.
Bu göstərici üzrə Azərbaycan Moldovanı (644 min istifadəçi), Özbəkistanı (498 min), Gürcüstanı (397 min), Ermənistanı (341 min), Estoniyanı (262 min), Qırğızıstanı (237 min), Latviyanı (227 min), Litvanı (168 min), Tacikistanı (71 min) və Türkmənistanı (54 min) qabaqlayır.
Azərbaycan mail.ru poçt akauntundan istifadə edənlərin sayına görə 591 istifadəçi ilə beşinci yeri tutub. mail.ru poçt layihəsindən istifadə edənlər dördlüyünə Rusiya (32,843 milyon), Ukrayna (5,133 milyon), Qazaxıstan (2,693 milyon) və Belarus (1,407 milyon) daxildir.
Azərbaycan bu göstərici üzrə də Moldovanı (506 min istifadəçi), Özbəkistanı (479 min), Gürcüstanı (299 min), Ermənistanı (286 min), Qırğızıstanı (241 min), Estoniyanı (226 min), Latviyanı (116 min), Litvanı (116 min), Tacikistanı (69 min) və Türkmənistanı (30 min) qabaqlayır.
Bir müddət əvvəl Mail.Ru Group-un vitse-prezidenti Aleksey Katkovun Trend-ə dediyi kimi, şirkət MDB ölkələrinə çıxş üzrə ciddi planlara malikdir, onların bəziləri üçün artıq xəbərlə[email protected], iş@mail.ru, səyahə[email protected], [email protected] və s. kimi müxtəlif layihələrin yerli versiyaları yaradılıb.
"Azərbaycanın İnternet bazarı bizim üçün maraqlıdır və biz gələcəkdə Azərbaycan üçün də xüsusi servis versiyalarımızı hazırlamaq niyyətindəyik", - Katkov bildirib.
Ötən il Mail.Ru Qazaxıstan, Belarus və Azərbaycan üçün xəbərlə[email protected] layihəsinin xüsusi versiyasını təqdim edib.
Son həftənin yekunları üzrə Azərbaycan "Xəbərlər" layihəsinin iştifadəçilərinin sayına görə 61 min daxilolma ilə altıncı yeri tutub və Rusiya (6,693 milyon), Ukrayna (961 min), Qazaxıstan (529 min), Belarus (302 min) və Moldovadan (64 min) geri qalıb.
