...

Azərbaycanın telekommunikasiya operatorları ABŞ istehsalçısının həllərinin tətbiqində maraqlıdır

Telekommunikasiya Materials 12 Fevral 2011 13:45 (UTC +04:00)

Azərbaycan, Bakı, 12 fevral /Trend, müxbir H.Vəliyev/

Azərbaycanın "IT Computing" şirkəti ABŞ-ın telekommunikasiya avadanlığı istehsalçısı "Juniper Networks"in həllərinin Azərbaycanın bir neçə telekommunikasiya operatoruna tədarükünü planlaşdırır. Bu barədə şənbə günü Trend-ə "ITComputing" şirkətinin baş direktoru Mirağa Nağıyev deyib.

Nağıyevin sözlərinə görə, hazırda bu istehsalçının həllərinin tədarükünə dair müəyyən razılıq ilkin provayder "Delta Telecom"la əldə olunub. O, artıq "Juniper Networks"in Moskva ofisi ilə birbaşa danışıqlara başlayıb.

"Bizim hələ ki "Juniper Networks" məhsulları üzrə sertifikatlaşdırılmış mütəxəssislərimiz yoxdur. Bununla əlaqədar bizim hazırda vəzifəmiz yalnız bu istehsalçının Azərbaycan bazarında biznesinin inkişafına yardımın göstərilməsindən ibarətdir. Biz təklifləri sifarişçinin sorğusuna əsasən hazırlayırıq, sonra təklif olunan həll sifarişçidə sınaqdan keçirilir və yalnız o "Juniper Networks" sistemini tətbiq etmək barədə qərar qəbul etdikdən sonra biz bu prosesə "Juniper Networks"in qərarları üzrə sertifikatlaşdırılmış mütəxəssisi cəlb edirik. Hazırda "Delta Telecom" öz şəbəkəsində bu istehsalçının marşrutizatorlarının və server qərarlarının tətbiqi imkanını nəzərdən keçirir", - Nağıyev qeyd edib.

ABŞ istehsalçısının telekommunikasiya həllərinin tətbiqinə Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyi də maraq göstərib. "Juniper Networks" həlləri "Aztelekom" şirkətinə və Azərbaycanın mobil rabitə operatoru "Azerfon"a da təqdim edilib. Bu həllər şəbəkənin buraxılış qabiliyyəti ilə bağlı olan vəzifələri həll etməyə imkan verəcək və gələcəkdə 4G texnologiyalarına keçid üçün istifadə edilə bilər. "Juniper Networks" sistemlərinə bank sektorunun oyunçuları - "Bank Standard", "VTB bank" və "Unibank" da maraq göstərir.

Nağıyevin sözlərinə görə, ümumilikdə Azərbaycanın telekommunikasiya həlləri bazarında fəallığın azalması müşahidə edilir. Bu, bəzi operatorların qarşılaşdıqları maliyyə çətinlikləri ilə izah edilir.

Xəbər lenti

Xəbər lenti