...

Xarici proqram təminatından istifadə milli təhlükəsizliyi təhdid altına alır - İranın rabitə naziri

Telekommunikasiya Materials 19 Fevral 2011 14:32 (UTC +04:00)

Trend-i buradan izləyin

Azərbaycan, Bakı, 19 fevral /Trend, müxbirlər H.Vəliyev, T.Cəfərov/

Strateji obyektlərdə xarici proqram təminatı məhsulundan istifadə milli təhlükəsizliyi təhdid altına alır. Bu barədə şənbə günü Trend-ə İranın rabitə naziri Rza Tağıpur deyib.

Nazirin sözlərinə görə, strateji obyektlərin təhlükəsizliyini qorumaq üçün İran proqram təminatından tam imtina edib və yalnız özünün hazırladığı məhsullara güvənir.

"Biz hesab edirik ki, xarici istehsalçıların həlləri bizə lazım olan təhlükəsizlik səviyyəsini təmin edə bilməz. Biz ondan dost ölkələrə də telekommunikasiya, maliyyə sahəsi, bank sektoru, gömrük və s. kimi sahələrdə istifadə etməməyi tövsiyə edirik. Bizim bu sahədə uğur qazandığımızı nəzərə alaraq, dost ölkələrlə təcrübəmizi bölüşməyə hazırıq", - Tağıpur qeyd edib.

İran rabitə nazirinin sözlərinə görə, İrana qarşı tətbiq edilən sanksiyalara baxmayaraq, ölkə müxtəlif sahələrdə, o cümlədən İKT, eləcə də kosmik sənaye sahələrində çoxlu uğurlar qazana bilib.

Tağıpurun sözlərinə görə, İranın ilk peyki iki il bundan əvvəl orbitə çıxarılıb, aşağı orbitdə yerləşəcək ikinci peykin buraxılması isə 2012-ci ilə planalşdırılıb.

Xəbər lenti

Xəbər lenti