...

Azərbaycanın internet-provayderləri texniki bazanı genişləndirirlər

Telekommunikasiya Materials 19 Mart 2011 15:54 (UTC +04:00)

Azərbaycan, Bakı, 19 mart /Trend, müxbir H.Vəliyev/

Azərbaycanın internet-servis-provayderləri göstərilən xidmətlərin keyfiyyətinin artırılması üçün texniki bazanı genişləndirirlər. Bu barədə Trend-ə şənbə günü Azərbaycan İnternet Cəmiyyətinin (AİC) sədri Qalib Qurbanov deyib.

Qurbanovun sözlərinə görə, provayderləri buna məcbur edən səbəb genişzolaqlı ADSL-in göstərdiyi xidmətlərin keyfiyyəti ilə bağlı şikayət halları olub.

"İstifadəçilər şikayət edirlər ki, göstərilən xidmətlərin sürəti və keyfiyyəti heç də həmişə deyildiyi kimi olmur. Səbəb son infrastrukturun texniki vəziyyətidir. Elə olur ki, qoşulmaların sayı planlaşdırıldığından daha çox olur, bəzi hallarda kanallar qarışır", - Qurbanov qeyd edib.

AİC sədrinin sözlərinə görə, bu gün son istifadəçilərin narazılığına səbəb olan problemlərdən biri ATS-lər arasında "ölü zonalar"ın olmasıdır. Onların aradan qaldırılması isə təəssüf ki, çox ləng həll edilir.

"Ölü zonalar" 2-2,5 min metr məsafədə yaranır. Bu məsafədə ADSL-in yüksəkkeyfiyyətli xidmət göstərməsi qeyri-mümkündür.

Problem telekommunikasiya infrastrukturunu müəyyən ərazidə yerləşdirməyə imkan verən mobil ATS-lərin quraşdırılması ilə həll edilir. Lakin bu halda məkanın az olması səbəbindən provayderin avadanlıq quraşdırması qeyri-mümkündür.

"Analoji problemlər internet şəbəkəsindən simsiz istifadəni təqdim edən provayderlərdə də yaranır. Bunlar relyef və yüksəkmərtəbəli binaların sıx tikilməsi səbəbindən yaranan "kölgəli zonalar"dır", - Qurbanov bildirib.

Xəbər lenti

Xəbər lenti