Azərbaycan, Bakı, 16 fevral /Trend, müxbir H.Vəliyev/
2011-ci il ərzində Azərbaycanda kompüterlərin internet vasitəsilə virusa yoluxma sayı 6,5 faiz atrıb. Trend-in məlumatına görə, bu barədə cümə axşamı "Kasperski laboratoriyası"nın saytındakı virus aktivliyi icmalında deyilir.
Hesabatda deyilir ki, ölkədə istifadəçilərin 47,5 faizi internet vasitəsilə virusa yoluxma riski ilə üzləşib.
İcmalda qeyd olunur ki, ötən il Azərbaycan internet vasitəsilə virusa yoluxma riski üzrə 10 ölkə arasında altıncı yeri tutub. 2010-cu ilin yekunları üzrə ölkə 40,9 faizlik göstərici ilə 131-cü yeri tutub.
TOP 20-yə 42,1-55,9 faizlə daxil olan ölkələr: Rusiya, Oman, ABŞ, Ermənistan, Belarus, Azərbaycan, Qazaxıstan, İraq, Ukrayna, Qvineya-Bisau, Malayziya, Şri-Lanka, Səudiyyə Ərəbistanı, Hindistan, Sudan, Böyük Britaniya, Tacikistan, Qətər, Küveyt, Kanada.
Şirkət təhlükə dərəcəsini qiymətləndirmək üçün bir ay ərzində istifadəçinin veb-antivirusunun neçə dəfə işə düşdüyünü hesablayıb.
2011-ci il ərzində brauzer vasitəsilə hücumların sayı 580 371 937-dən 946 393 693-dək artıb. Beləliklə, "Kasperski laboratoriyası"nın məhsulları tərəfindən gündə orta hesabla 2 592 859 şəbəkə hücumunun qarşısını alınıb.
2011-ci ildə dəf edilən internet hücumlarının göstəriciləri 2010-cu ildəki göstəriciləri 1,63 dəfə üstələyir ki, bu da son üç il ərzində qeydə alınan artım sürətindən xeyli geri qalır. 2009-cu illə müqaysədə 2010-cu ildə şirkət tərəfindən yoluxma cəhdlərinin səkkiz dəfə artımı qeydə alınıb.