...

Azərbaycanın daha bir GSM operatoru təyyarələrin göyərtəsində mobil rabitəni işə salmağı planlaşdırır

Telekommunikasiya Materials 22 Fevral 2012 14:35 (UTC +04:00)

Trend-i buradan izləyin

Azərbaycan, Bakı, 22 fevral /Trend müxbir H. Vəliyev/

Azərbaycanın mobil rabitə operatoru "Bakcell" MMC "Azərbaycan Hava Yolları"nın təyyarələrinin göyərtəsində mobil rabitə xidmətini göstərmək imkanlarını nəzərdən keçirir. Bu barədə çərşənbə günü Trend-ə "Bakcell" şirkətinin texniki direktoru Yeqit Bektaş bildirib.

Onun sözlərinə görə, təyyarələrin göyərtəsində mobil rabitə xidmətlərinin göstərilməsi texniki cəhətdən çox da çətin deyil və bu məsələdə aviaşirkətlərin özünün hazırlığı vacibdir.

"Biz əvvəllər təyyarələrin göyərtəsində səs rabitəsini sınaqdan keçirdik və aviaşirkətlərin razı olacağı təqdirdə xidmətlərdən sərnişinlərin istifadəsini də mümkün edə bilərik. Müəyyən mənada aviaşirkətlər bu xidmətlərin işə salınmasında özləri kömək göstərirlər. Biz bu məsələnin texniki tərəfini nəzərdən keçiririk və aviaşirkətlərlə görüşlər keçiririk" , - Bektaş qeyd edib.

"Bakcell"in texniki direktorunun sözlərinə görə, bir çox aviaşirkətlər təyyarənin göyərtəsindəki avadanlığın işinə təsir etmək imkanları ilə bağlı ehtiyat etdiklərindən göyərtədə mobil telefonlardan istifadəni qadağan edirlər.

Xəbər lenti

Xəbər lenti