Azərbaycan, Bakı, 19 mart /Trend, müxbir H.Vəliyev/
Yanvar-fevral aylarının nəticələri üzrə Azərbaycanda "elektron kommersiya" ("e-commerce") bazarının həcmi 171,1 min manat təşkil edib. Trend-in məlumatına görə, bu barədə bazar ertəsi Dövlət Statistika Komitəsinin hesabatında deyilir.
"E-commerce"in iştirakçıları elektron kommersiyanı həyata keçirən, mal və xidmətlərin alıcıları olan hüquqi və fiziki şəxslərdir.
Ötən dövr ərzində satışın 93,2 faizini hüquqi şəxslər, qalanını isə fiziki şəxslər həyata keçirib.
"Elektron kommersiya" vasitəsilə satılan məhsullardan 98,3 faizi (164,5 min manat dəyərində) qeyri-ərzaq məhsullarının, 1,3 min manatı isə ərzaq məhsullarının payına düşüb.
