Azərbaycan, Bakı, 2 may /Trend, müxbir H.Vəliyev/
Azərbaycanın mobil rabitə operatoru "Azerfon" MMC-nin şəbəkəsində mobil televiziya xidməti yaxın aylarda kommersiya istismarına buraxılacaq. Bu barədə çərşənbə günü Trend-ə "B&BTV Communications" şirkətinin marketinq şöbəsinin meneceri Samir Mahmudov bildirib.
Mahmudovun sözlərinə görə, mobil şəbəkə üzrə yayımlanacaq kanalların siyahısı "Azerfon" şirkətinə təqdim edilib. Kontent əsasən kommersiya televiziya kanallarından ibarət olacaq.
Qeyd edilən dövr ərzində mobil TV xidmətlərinin işə salınması faktını "Azerfon" şirkətində də təsdiqləyiblər.
Mahmudovun sözlərinə görə, mobil televiziya xidmətlərinin işə salınması ilə bağlı müqavilə yaxın vaxtlarda şirkətlərlə imzalanacaq.
