Azərbaycan, Bakı, 30 iyun /Trend, müxbir H.Vəliyev/
Beynəlxalq Telekommunikasiya Birliyi (ITU-International Telecommunication Union) internet şəbəkəsinin tənzimlənməsi üzrə səlahiyyətin əldə edilməsinə iddia edir. Bu barədə şənbə günü Trend-ə Azərbaycan Rabitə və İnformasiya Texnologiyaları Nazirliyindən bildiriblər.
Hazırda Rusiya, Çin və Hindistan beynəlxalq informasiya təhlükəsizliyinin təmin edilməsinə dair konvensiyanın qəbul edilməsi təşəbbüsü ilə çıxış edirlər.
"Bu ölkələrlə yanaşı, ITU internetin tənzimlənməsi üzrə səlahiyyətin əldə edilməsinə ümid edərək mövcud konvensiyanın qəbulunun lehinə çıxış edir", - nazirlikdən deyiblər.
Nazirlikdən qeyd ediblər ki, buna baxmayaraq, bu cür konvensiyanın qəbul edilməsi olduqca mürəkkəb prosesdir. Belə ki, bu, birmənalı qəbul edilmir. Məsələn, ABŞ və böyük Britaniya senzuranın yayılmasından ehtiyatlanaraq sənədi tənqid edirlər.
