Azərbaycan, Bakı, 10 sentyabr /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi yanında "Aztelekom" İstehsalat Birliyinin infrastrukturu üzrə NGN (Next Generation Network) şəbəkəsinin yayılma səviyyəsi ilin sonunadək 24 faizə çatacaq. Bu barədə bazar ertəsi Trend-ə "Aztelekom"un mətbuat xidmətinin rəhbəri Vidadi İsmayılov bildirib.
İsmayılovun sözlərinə görə, Masallı telekommunikasiya qovşağının gələcək nəsil şəbəkəsinə keçirilməsi üzrə işlər aparılır.
NGN şəbəkəsi ilə artıq Abşeron yarımadası, Sumqayıt, Gəncə, Göyçay, Şamaxı və Kürdəmir telekommunikasiya qovşaqları əhatə olunub.
NGN-in tətbiqi İB-nin prioritet vəzifələrindən biridir. Operator onun köməyi ilə uzunmüddətli perspektivdə yeni xidmətlər seqmentinin artımının dəstəklənməsinə nail olmağa çalışır.
Regional telefon şəbəkələrinin NGN texnologiyasına keçidi operatopa telefon şəbəkələrinin nömrə tutumunu artırmaqla yanaşı, rabitənin ənənəvi xidmətləri ilə birlikdə IP-telefoniya, genişzolaqlı internet və IP-TV kimi xidmətləri də göstərməyə imkan verir.