Azərbaycan, Bakı, 24 oktyabr /Trend, müxbir H. Vəliyev/
Azərbaycan Rabitə və İnformasiya Texnologiyaları Nazirliyi "Smart Systems Technology" şirkətinə IP-telefoniya xidmətlərini göstərmək məqsədi ilə lisenziya verib. Bu barədə çərşənbə günü Trend-ə şirkətin marketinq-meneceri Sübhan Qaragözov deyib.
Qaragözovun sözlərinə görə, xidmət "Bakutel-2012" sərgisində işə salınacaq və ilk dəfə olaraq sərgidə ictimaiyyətə nümayiş etdiriləcək.
"Hazırda şirkət tərəfindən yaxın vaxtlarda satışa çıxarılacaq skretç kartlar sifariş verilib. Kartların minimum nominal dəyəri 2 manat, maksiumum nominal dəyəri isə 100 manat təşkil edəcək. IP-telefoniya kartlarından istifadə etməklə ümumi istifadədə olan telefon şəbəkəsinin abunəçiləri münasib tariflərlə beynəlxalq zənglər edə biləcəklər", - o qeyd edib.
IP-telefoniya xidmətləri üzərindən danışıqların qiyməti bütün istiqamətlər üzrə beynəlxalq danışıqlara çəkilən xərcləri təqribən 50 faiz azaltmağa imkan verəcək.
Qaragözovun sözlərinə görə, IP-telefoniya xidmətinin ödənişi internet şəbəkəsi üzərindən və "Paypoint" özünəxidmət terminalları vasitəsilə mümkün olacaq.