Azərbaycan, Bakı, 16 mart / Trend, müxbir H.Vəliyev/
2013-cü ilin yanvar ayında Azərbaycana ümumi dəyəri 846,2 min ABŞ dolları olan, simsiz şəbəkələrdə işləyən 17264 ədəd mobil telefon və digər telefon aparatları idxal olunub. Bu barədə Dövlət Statistika Komitəsindən şənbə günü Trend-ə daxil olan məlumatda bildirilib.
Komitədən bildirilib ki, bu ildən etibarən mobil telefonların statistikası aparılarkən göstəricilərdə simsiz şəbəkələrdə işləyən digər qurğular da nəzərə alınacaq.
Dövlət Komitəsinin göstəricilərinə görə, 2012-ci ilin yanvar ayı ilə müqayisədə ölkəyə idxal olunan mobil telefonların həcmi 216 faiz (ötən il 5463 ədəd olub), dəyər baxımından isə 275 faiz artıb.
