Azərbaycan, Bakı, 29 avqust /Trend, müxbir H.Vəliyev/
Rusiyanın "NAVİTEL" şirkəti Azərbaycan xəritəsinin 3D versiyasını təqdim edib. Bu barədə cümə axşamı şirkətin saytında yerləşdirilən məlumatda bildirilir.
Məlumatda bildirilir ki, Azərbaycanın yeni detallı xəritəsi "Navitel Naviqator" naviqasiya proqramında istifadəçilərə təqdim edilib. Xəritələr yeni 3D formatda buraxılıb.
Xəritədə yolların, tıxacların və marşrutların vizual görüntüləri yaxşılaşdırılıb. Ünvan məlumatları dəyişdirilib və dəqiqləşdirilib, döngələrdə qadağa nişanları düzəldilib.
.
