Azərbaycan, Bakı, 31 avqust /Trend, müxbir H.Vəliyev/
Azərbaycan poçt rabitəsi xidmətinin operatoru - "Azərpoçt" ASC-in avtomatlaşdırılmış korporativ-informasiya sisteminə təxminən 900 filial və şöbə qoşulub. Bu barədə Trend-ə ASC-dən verilən məlumatda bildirilir.
Poçt operatorunun korporativ informasiya sisteminə qoşulan şöbələrin ümumi sayı 1200 ədəd təşkil edəcək.
Sistemə qoşulan filial və şöbələrin böyük hissəsi Azərbaycan Mərkəzi bankı tərəfindən əhaliyə maliyyə xidmətlərinin göstərilməsinə dair icazə alıblar.