...

Azərbaycanda daha iki institut elmi kompyuter şəbəkəsinə qoşulub

Telekommunikasiya Materials 18 Sentyabr 2013 13:49 (UTC +04:00)

Azərbaycan, Bakı, 18 sentyabr/Trend, müxbir H. Vəliyev/

Cari ilin "İnformasiya-kommunikasiya Texnologiyaları ili" elan edilməsilə bağlı Tədbirlər Planında "AzScienceNet" elm kompyuter şəbəkəsinin (EKŞ) ölkə üzrə infrastrukturunun inkişaf etdirilməsi nəzərdə tutulur.

Bu məqsədlə İnformasiya Texnologiyaları İnstitutunda (İTİ) AMEA institut və təşkilatlarının müasir intellektual kommutatorlar və digər zəruri texniki avadanlıqlarla təchiz olunması, verilənlərin mübadiləsinin sürətləndirilməsi və etibarlığının artırılmasını təmin etmək üçün yeni fiber-optik kabel şəbəkəsinin yaradılması istiqamətində məqsədyönlü işlər aparılır. Trend-in məlumatına görə, bu barədə İTİ-nin yaydığı xəbərdə deyilir.

Layihə çərçivəsində AMEA Respublika Seysmoloji Xidmət Mərkəzi və İnsan Hüquqları üzrə Elmi-Tədqiqat İnstitutunun lokal kompyuter şəbəkələri fiber-optik kabel vasitəsilə "AzScienceNet" EKŞ-nə qoşulub. Bununla da həmin qurumlar beynəlxalq İnternet şəbəkəsinə yüksəksürətli çıxış imkanı ilə təmin olunublar.

Görülən işlər müvafiq təşkilatların gələcək fəaliyyətinin daha səmərəli təşkilinə, alim və mütəxəssislərinin Avropa elmi mühitinə inteqrasiya olunmasına, həmçinin dünyanın tanınmış beynəlxalq elmi bazalarından geniş istifadəsinə imkan yaradacaq.

Cari ilin sonuna kimi AMEA-nın bütün institut və təşkilatlarının lokal kompyuter şəbəkələrinin fiber-optik kabel vasitəsilə "AzScienceNet"ə qoşulması planlaşdırılır.

Məqalədə:
Xəbər lenti

Xəbər lenti