...

Dövlət rabitə operatoru NGN texnologiyalı şəhər ATS-lərinin əhatə dairəsini genişləndirib

Telekommunikasiya Materials 13 Noyabr 2013 10:33 (UTC +04:00)

Azərbaycan, Bakı, 13 noyabr /Trend, müxbir H.Vəliyev/

Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyinin (İB) telekommunikasiya qovşaqlarının NGN (Next Generation Network) texnologiyası ilə əhatə səviyyəsi 70 faizə çatıb. Bu barədə çərşənbə günü Trend-ə İB-dən məlumat verilib.

İB-nin məlumatına görə, ilin əvvəlindən dövlət operatorunun telekommunikasiya qovşaqlarının NGN texnologiyası ilə əhatə zonası 16,6 faiz artıb.

Hazırda dövlət operatoru tərəfindən paytaxtın bir sıra ATS-lərinin bu texnologiya əsasında yenidən qurulması planlaşdırılır ki, bu da telefon şəbəkəsinin nömrə həcmini artırmağa və rabitə xidmətlərinin ənənəvi növləri ilə yanaşı, IP-telefoniya, genişzolaqlı internet və IP-TV xidmətləri göstərməyə imkan verəcək.

Məqalədə:
Xəbər lenti

Xəbər lenti