Azərbaycan, Bakı, 29 aprel /Trend, müxbir H.Vəliyev/
ESET beynəlxalq antivuris şirkəti Android bazasında olan smartfon və planşetlərin müdafiəsi üçün ESET NOD32 Mobile Security intellektual həllini Azərbaycan bazarına gətirir. Trend xəbər verir ki, bu barədə şirkətin çərşənbə axşamı yaydığı məlumatda deyilir.
Layihənin tərəfdaşı qismində "Azercell" mobil operatorunun rəsmi dileri "Lankon" mağazalar şəbəkəsi çıxış edir.
"Lankon" mobil rabitə salonlarında Android bazasında olan yeni smartfon və ya planşetlə yanaşı, onun müdafiəsi üçün ESET NOD32 Mobile Security həllini əldə etmək olar. Üç il müddətinə olan məhsulun tam funksiyalı versiyası üçün lisenziya 3 manat təşkil edir.
ESET şirkətinin marketinq üzrə direktoru Anna Sverdlovanın sözlərinə görə, "Lankon" şəbəkəsi ilə pilot layihə Azərbaycanda mobil antivirus istifadəçilərinin auditoriyasını genişləndirməyə hesablanıb: "Bu da perspektivdə "mobil hakerlər"dən ziyan görənlərin sayını və zərərli proqram təminatının yayılma tempini azaltmağa kömək edəcək".
Qeyd edək ki, Android üçün ESET NOD32 Mobile Security smartfon və planşetlərin müdafiəsi üzrə intellektual həlldir. Əlavənin antivirusdan başqa, "Antovor", "Antifişinq" və "Antispam" funksiyaları var ki, bu da mobil qurğuların kompleks müdafiəsini təmin etməyə imkan verir.
