Azərbaycan, Bakı, 27 iyun /Trend, müxbir Hüseyn Vəliyev/
Yüksək dəqiqlikli televiziyanın (HD - High-Definition) işə salınması məqsədilə 470-690 MHz tezlik spektri teleradio şirkətlərinin ehtiyacları üçün ayrılacaq. Bunu cümə günü Trend-ə Azərbaycanın telekommunikasiya bazarındakı mənbə deyib.
Mənbənin sözlərinə əsasən, teleradio şirkətlərinin belə tezliklərə tələbatı onların HDTV-nin işlədilməsi planlarına uyğun müəyyənləşdiriləcək. Yüksək dəqiqlikli tezlik yaxın illərdə Azərbaycanda TV yayımın perspektivli istiqaməti olacaq.
HDVT keyfiyyətli təsvirin yeni səviyyəsidir və xüsusi olaraq müasir televiziyalar üçün yaradılıb. Onun üstünlükləri geniş ekranlı formatda yayım, rənglərin təsvirinin yüksək parlaq və dəqiqliyi, maneələrin olmaması və s.-dir.