Azərbaycan, Bakı, 7 noyabr /Trend, müxbir Hüseyn Vəliyev/
Azərbaycan və Fransa ilin sonunadək Yerin məsafədən zondlanması peyklərindən istifadə üzrə birgə proqramın reallaşdırılması çərçivəsində saziş imzalayacaqlar. Trend-in məlumatına görə, bunu jurnalistlərə rabitə və yüksək texnologiyalar naziri Əli Abbasov deyib.
Nazirin sözlərinə görə, saziş peyk resurslarından birgə istifadəni nəzərdə tutur. İki ölkənin əməkdaşlığı birgə kosmik proqram çərçivəsində fəaliyyət planına əsasən həyata keçiriləcək.
"SPOT-7" Yerin məsafədən zondlanması peyki 2014-cü il iyunun 30-da "Airbus Defence and Space" şirkəti tərəfindən orbitə buraxılmışdı.
Ə.Abbasov qeyd edib: "Biz ümid edirik ki, artıq bu il mövcud layihəyə qoşula biləcəyik".
