...

"Azərpoçt" tezliklə mikrokreditlər verəcək

Telekommunikasiya Materials 7 Noyabr 2014 19:05

Trend-i buradan izləyin

Azərbaycan, Bakı, 7 noyabr /Trend, müxbir Hüseyn Vəliyev/

"Azərpoçt" MMC 2015-ci ildən mikrokreditlər verməyə başlayacaq. Trend xəbər verir ki, bu barədə cümə günü jurnalistlərə rabitə və yüksək texnologiyalar naziri Əli Abbasov bildirib.

Onun sözlərinə görə, hazırda poçt operatoru bu xidmətin açılması üçün hüquqi baza hazırlayır.

Depozitlərin qəbuluna gəldikdə, nazir deyib ki, hələlik bu məsələ açıq qalır: "Poçt operatorunun mikrokreditləşmə xidmətinin açılması xüsusi qaydalar əsasında və Azərbaycan Mərkəzi Bankının xüsusi nəzarəti altında həyata keçiriləcək. Pilot layihənin gələn ildən həyata keçirilməsi nəzərdə tutulur. Daha sonra effektivliyindən asılı olaraq layihə genişləndiriləcək".

Bir müddət əvvəl Ə.Abbasov bildirmişdi ki, pilot layihənin dəyəri iki milyon manatdır.

Hazırda kreditlərə tələbatın nisbətən daha çox olduğu və onların qaytarılması üzrə risklərin olmadığı bir neçə rayon müəyyən edilib. Kreditləşməyə idarənin struktur bölmələrinin daxili resurslarından vəsait yönəldiləcək.

İlkin mərhələdə kreditlər biznes və kənd təsərrüfatının inkişafına ayrılacaq.

Nazirin sözlərinə görə, poçt operatorunun kreditləşmə sahəsində tam xidmət göstərməsinə icazə yaxın vaxtlarda alınacaq.

Məqalədə:
Xəbər lenti

Xəbər lenti