...

Nazir Ramin Quluzadənin başçılıq etdiyi nümayəndə heyəti Gürcüstanda "3-cü Tbilisi İpək Yolu Forumu”nda iştirak edir

Telekommunikasiya Materials 22 Oktyabr 2019 13:54 (UTC +04:00)
Bu gün Gürcüstanın paytaxtı Tbilisi şəhərində "3-cü Tbilisi İpək Yolu Forumu: Qlobal Təsir üçün Tərəfdaşlıq" adlı beynəlxalq forum öz işinə başlayıb.
Nazir Ramin Quluzadənin başçılıq etdiyi nümayəndə heyəti Gürcüstanda "3-cü Tbilisi İpək Yolu Forumu”nda iştirak edir

Trend-i buradan izləyin

Bakı. Trend:

Bu gün Gürcüstanın paytaxtı Tbilisi şəhərində "3-cü Tbilisi İpək Yolu Forumu: Qlobal Təsir üçün Tərəfdaşlıq" adlı beynəlxalq forum öz işinə başlayıb. İki gün davam edəcək tədbirdə ölkəmizi Nəqliyyat, Rabitə və Yüksək Texnologiyalar naziri Ramin Quluzadənin rəhbərlik etdiyi nümayəndə heyəti təmsil edir.

Trend-in məlumatına görə, forumda müxtəlif panellər üzrə süni intellekt və onun qlobal iqtisadiyyatda rolu və təsirləri, nəqliyyat, enerji və ticarət kimi sahələrdə müzakirələrin aparılması nəzərdə tutulur. Forum çərçivəsində həmçinin "Transxəzər Beynəlxalq Nəqliyyat Marşrutu" Beynəlxalq Assosiasiyasının ümumi iclasının, "Nəqliyyat bağlantıları - İpək Yolu boyunca transformasiya", "Trans-Qafqaz Nəqliyyat Dəhlizinin tranzit və logistik imkanlarının artırılması" və "İpək Yolu Dialoqu" mövzularında tədbirlərin keçirilməsi nəzərdə tutulub.

Nəqliyyat, Rabitə və Yüksək Texnologiyalar naziri Ramin Quluzadə "Nəqliyyat bağlantıları - İpək Yolu boyunca transformasiya", nazir müavini Elmir Vəlizadə isə "Avropaya qoşulma - Genişləndirilmiş Trans-Avropa Nəqliyyat Şəbəkəsinin inkişafı" adlı paneldə çıxış edəcəklər.

Məqalədə:
Xəbər lenti

Xəbər lenti