Rabitə və İnformasiya Texnologiyaları Nazirliyində informasiya portalı yaradılacaq. Trend in məlumatına görə, nazirlikdə bununla əlaqədar xüsusi komissiya yaradılıb. Portal rabitə və informasiya texnologiyaları üzrə daxili və xarici istifadəçilərin sahəvi informasiya ilə təminatını həyata keçirəcək.
Hazırda informasiya toplanması və portalın dizaynı üzrə tamamlama işləri aparılır. Portalın Azərbaycan variantı artıq hazırdır və digər dillərə tərcümə üzərində iş gedir. İnformasiya portalı bu ilin birinci rübünün axırınadək Azərbaycan, rus və ingilis dillərində tam istifadəyə veriləcək.