Azərbaycanın Rabitə və İnformasiya Texnologiyaları Nazirliyi martın 17-də Goradil qəsəbəsində müasir avadanlıq və informasiya texnologiyaları ilə təchiz olunmuş yeni poçt bölməsi açıb. Bu barədə Trend ə nazirlikdən məlumat verilib.
Məlumata görə, bu bölmənin tikintisi "Bakı qəsəbələrinin sosial-iqtisadi inkişafının sürətləndirilməsi üzrə tədbirlər proqramı"nın təsdiqlənməsi haqqında Azərbaycan prezidentinin sərəncamı çərçivəsində həyata keçirilib. Bu sərəncamdan sonra Rabitə və İnformasiya Texnologiyaları Nazirliyi artıq həyata keçirməyə başladığı xüsusi Fəaliyyət Planı hazırlayıb.