...

Rotterdam məhkəməsində FİMbank–ın işi üzrə şahidlərin şifahi ifadə verməkdən imtina etməsi hüquqi nəticələrə səbəb ola bilməz

Telekommunikasiya Materials 5 Avqust 2006 14:14 (UTC +04:00)

Trend-i buradan izləyin

First İnternational Merchant FİMBank işdə adları hallandırılan 8 şahidin Azərbaycanda dindirilməsinə dair Azərbaycanın Rabitə və İnformasiya Texnologiyaları Nazirliyinin təklifi ilə razılaşmayıb. Rabitə Nazirliyindən Trend ə verilən xəbərə görə, bank Azərbaycanda məhkəmə sisteminin şəffaf olmamasına əsaslanaraq, şahidlərin Rotterdamda dindirilməsinə təkid edib.

Əgər şahidlər əlavə ifadə verməkdən imtina etsələr, onlara dair heç bir tədbir görülməyəcək. Lakin istisna edilmir ki, gələcəkdə işin yekunlaşdırılması zamanı bu fakt Azərbaycan tərəfinə qarşı istifadə oluna bilər.

"Bu, yalnız bankın tələbidir, lakin Rotterdam məhkəməsi FİMBank-ın bu tələbi üzrə hələ qəti qərar qəbul etməyib", - deyə nazirlikdən bildiriblər.

Bundan başqa, bankın iddiasını əsasən Rabitə Nazirliyinin Fransanın Eutelsat S.A. şirkətinin 500 min səhminə Azərbaycan tərəfindən qoyulmuş vəsaitlərinə və onların 1 mln. ABŞ dollarından artıq dividendlərinə həbs qoyan Paris məhkəməsi bu yaxınlarda bankın başqa bir vəsatətini təmin edib. Onun qərarı ilə bu vəsaitlər xüsusi hesabdan girov altında götürülüb. Bu o deməkdir ki, məhkəmə hansı tərəfin xeyrinə qərar qəbul edəcəksə, Paris məhkəməsinin 6,5 mln. avro məbləğində dəyərləndirdiyi bu vəsaitlər həmin tərəfin balansına keçəcək.

"Son hadisələri nəzərə alaraq, Paris məhkəməsi üçün əlavə sənədlərin hazırlanması üzrə işlər aparılır", - deyə dövlət qurumundan bildiriblər.

2004-cü ilin iyul ayında First İnternational Merchant (FİMBank) guya Rabitə Nazirliyinin və Poçtbank AKB-nin zəmanəti altında Rabitə Nazirliyinin mövcud olmayan Aztell şirkətinə - 3035000 və Baktell şirkətinə 1560000 ABŞ dolları məbləğində verilmiş kreditin ödənilməməsi faktı üzrə iddia ilə Azərbaycan hökümətinə qarşı çıxış edib. İndiyədək məhkəmə iddiası sənədlərin məhkəməyə təqdim olunması ilə davam edirdi. Azərbaycan höküməti bu işə aidiyyatının olmamasını təsdiq edən bütün sənədləri sonuncu dəfə bu ilin yanvar ayında təqdim edib.

Nazirlikdə hesab edilir ki, şifahi dinləmələrin keçirilməsini təkid etməkdə bankın yalnız bir məqsədi var, o da onsuz da uzanmış məhkəmə prosesinin daha da uzadılmasından ibarətdir.

Xəbər lenti

Xəbər lenti