...

Cənubi Koreyanın informasiya texnologiyaları üzrə nümayəndə heyəti Bakıya gəlir

Telekommunikasiya Materials 28 Avqust 2006 14:49 (UTC +04:00)

Trend-i buradan izləyin

Avqustun 29-da Cənubi Koreyanın rabitə və informasiya texnologiyaları üzrə nümayəndə heyətinin Bakıya gəlişi gözlənilir. Bu barədə Trend ə Azərbaycanın Rabitə və İnformasiya Texnologiyaları Nazirliyindən məlumat verilib.

Səfərdə əsas məqsəd bu ilin mayında Bakıda Koreya və Azərbaycan arasında imzalanmış əməkdaşlıq haqqında memorandumda nəzərdə tutulmuş konkret layihələrin gerçəkləşdirilməsi ilə bağlı müzakirələrdən ibarətdir. Yeni layihələr üzərində işlərə 2007-ci ildən başlamaq planlaşdırılır.

Nümayəndə heyəti dövlət qurumlarının nümayəndələri, o cümlədən rabitə naziri Əli Abbasovla bir sıra görüşlər keçirəcək.

Qeyd edək ki, bir qədər əvvəl Cənubi Koreyanın İKT şirkəti Azərbaycanın İT bazarında maraqlı olduğunu və yerli İKT bazarına 3 il ərzində $150 mln vəsait yatırmaq niyyətini bildirib.

Bununla yanaşı, digər Koreya şirkəti SK da elektron hökumət üzrə layihələrin gerçəkləşdirilməsində Azərbaycana soft-credit şərtləri ilə $30 mln ayırmaq niyyətindədir.

Bu işlər Cənubi Koreyanın İnvestisiyaların Təşviqi Agentliyi (KİPA) və Azərbaycanın Rabitə Nazirliyi arasında qarşılıqlı anlaşma haqqında memorandumla möhkəmlənəcək. Memorandumun Koreya nümayəndə heyətinin oktyabrın 3-6-da keçiriləcək informasiya texnologiyaları üzrə BakuTel-2006 beynəlxalq sərgi və konfransında iştirak etmək üçün Bakıya səfəri zamanı imzalanması planlaşdırılır. Sənəd imzalandıqdan sonra Azərbaycanda elektron hökumət üzrə layihələrin gerçəkləşdirilməsi istiqamətində genişləndirilmiş işlərə başlanacaq.

Xəbər lenti

Xəbər lenti