Rabitə və İnformasiya Texnologiyaları Nazirliyi Aztelekom BM-nin İsmayıllı rayon Telekommunikasiya Qovşağı (TKQ) rayonun mərkəzi ATS-nin elektronlaşdırılması üzrə tender elan edib. Trend in Rabitə Nazirliyinə istinadən xəbər verdiyi kimi, tenderdə iştirak etmək istəyənlər 1600 AZN məbləğində vəsait köçürməli və sənədlərini sentyarın 11-dək təqdim etməlidirlər.
Tender təklifləri TKQ-da oktyabrın 11-dək qəbul olunacaq. Prosedura isə oktyabrın 12-də həyata keçiriləcək.
Qeyd edək ki, ölkənin telefon şəbəkəsinin 60%-dan çoxu elektron avtomat telefon stansiyalarının payına düşür. Bakıda bu göstərici 70%-dan çox, regionlarda isə 50%-dan çox təşkil edir.