Azərbaycanda yüksək texnologiyaların inkişafı üzrə xüsusi iqtisadi zonanın yaradılması sabit iqtisadi inkişafa aparan doğru yoldur. Bu barədə Bakıda BakuTel-2006 sərgisi çərçivəsində keçirilən "Xüsusi iqtisadi zonalar: Azərbaycanda sabit iqtisadi inkişafın yeni istiqamətləri" beynəlxalq konfransında AZEL şirkətinin prezidenti İqor Yakovenko bəyan edib.
Onun sözlərinə görə, hazırda Azərbaycanda AZEL şirkətinin kapitalı $20 mln-u keçir. Şirkət məhsullarını Azərbaycanda, Orta Asiya ölkələrində və Gürcüstanda satır. Microsoft, IBM, HP və digər şirkətlər AZEL-in tərəfdaşlarıdır. AZEL Azərbaycanda 12 bankla əməkdaşlıq edir.
