Rusiyanın İqtisadi İnkişaf və Ticarət Nazirliyi Azərbaycanda İKT-nin inkişafı üzrə azad ticarət zonalarının yaradılması üçün lazımi sənədləri ölkəyə təqdim etməyə hazır olduğunu bildirib. RF-nin iqtisadi inkişaf və ticarət naziri German Qref qeyd edib ki, Rusiya İT üçün müvafiq infrastrukturun yaradılması üzrə müvafiq təcrübəyə malikdir.
G.Qrefin sözlərinə görə, RF-də xüsusi azad zonada artıq biznes mərkəzi yaradılıb və 2007-ci ildə ilk korpuslar işə salınacaq. Mütəxəssisləri yüksək texnologiyalar sahəsində saxlamaq üçün əlverişli vergi rejimi və bürokratlardan tam müdafiə tətbiq edilib. Xüsusi iqtisadi zonalar üçün gömrük ödənişləri, yoxdur, İT şirkətləri üçün sosial vergilər iki dəfə azaldılıb. Bütövlükdə, Rusiyada bu sektor üçün sosial vergilər qoyulmayıb.
"İKT üçün inqilabi vergi rejimi bu sektorun inkişafını stimullaşdırmaq məqsədilə tətbiq edilib. Azərbaycanda İT üçün xüsusi zonalar yarandıqda, biz Rusiya şirkətlərinin bu ölkəyə gəlməsini stimullaşdırmağa hazırıq", - deyə nazir qeyd edib.
Bu layihə kiçik və orta sahibkarlığın inkişafı üçün texnoparkların, istehsal və elektron avadanlıqları, o cümlədən proqram məhsularının ixracı üzrə regional bazanın yaradılmasını, ölkənin əlverişli tranzit informasiya məkanına (Data Centre) çevrilməsini, formalaşan informasiya cəmiyyəti üçün insan ehtiyatlarının hazırlanması və inkişafını nəzərdə tutur.
Növbəti iki ay ərzində layihənin dəqiq büdcəsinin müəyyən edilməsi gözlənilir. Dekabrda tədarükçülərlə sazişlərin imzalanması planlaşdırılır. Paralel olaraq, layihə üzrə tədbirlər planına daxil olan işləri tezləşdirmək məqsədilə iki
