Smart Systems Technology Azərbaycanın bir sıra özəl maliyyə müəssisələri üçün işlər görür. Şirkətdən Trend ə verilən məlumata görə, Əmrahbankın Gəncə şöbəsi və bankın Bakıdakı mübadilə məntəqəsi arasında 128 kbit/san sürət kanalının yaradılması, onun optik şəbəkəyə qoşulması üçün bankla saziş imzalanıb. Texnikabank üçün də analoji işlər görülür. Bundan əlavə, Bank Respublika ilə də saziş imzalanıb və sazişə əsasən 493/498 EATS və bankın baş ofisi arasında fibro-optik xətt yaradılır.
Hazırda həmçinin System Advirtising & Printing şirkəti üçün ADSL İnternet xidmət göstərilməyə başlayıb.
Smart Systems Technology 1999-cu ilin noyabr ayında yaradılıb. Şirkət bank və maliyyə fəaliyyətinin kompleks avtomatlaşdırılması xidmətləri, telekommunikasiya şəbəkələrinin quraşdırılmasının layihələndirilməsi, mürəkkəb informasiya sistemlərinin hazırlanması, bank və maliyyə sahəsində konsaltinq xidmətləri, internet-xidmətlərin göstərilməsi, müasir kommunikasiya avadanlığının satışı və s. ilə məşğul olur. Şirkət həmçinin Oracle korporasiyasının rəsmi tərəfdaşıdır.