2006-cı ilin yanvar-noyabrında Naxçıvan Muxtar Respublikasında müəssisə və təşkilatlara, əhaliyə rabitə sahəsində 9571,7 min manat qədərində xidmət göstərilib ki, bu ötən ilin analoji dövrü ilə müqayisədə 13,7% çoxdur. Bu barədə Naxçıvan MR-ın Bakıdakı daimi nümayəndəliyindən xəbər veriblər.
İlin əvvəlində nazirlik tərəfindən 3184 telefon xətti çəkilib.
Göstərilən dövr ərzində NMR-ın rabitə müəssisələrində işçilərin sayı 815 nəfər olub. Bu 2005-ci ilin göstəricilərindən 4,5 % çoxdur. Rabitə işçilərinin orta məvacibi 5,9% artıb və 110,7 manat təşkil edib.
Bu aylar ərzində NMR rabitəsinə Trans-Asiya-Avropa (TAA) fibrooptik magistralı qoşulub. İki şəbəkə istismara verilib-Naxçıvan və Bakı arasında STMİ səviyyəsində tranzit şəbəkəsi və muxtar respublika ərazisində magistral üzrə SDH şəbəkəsi. Birinci şəbəkənin müxtəlif tarix-kanallarının, videokonfransların, videotelefonların yaradılması üçün kifayət qədər ehtiyat həcmi var. İkinci şəbəkə əvvəl radiolinklər vasitəsilə fəaliyyət göstərən Babəkin, Culfanın, Nehrəmin, Abraqunusun, Gülüstanın mərkəzi ATS-lərini əhatə edir. Bura CDMA texnologiyaları xidməti, Bakcell şirkətinin mobil rabitəsi tətbiq olunub.
