Azərbaycan və Rusiya Rusiyanın Rabitə və İnformasiya Texnologiyaları nazirliyi ilə Azərbaycanın müvafiq nazirliyi arasında əməkdaşlıq barədə razılaşma layihəsinin işlənib hazırlanması üzərində iş aparır. Bu barədə Trend ə cümə axşamı Rabitə Nazirliyindən bildiriblər.
Razılaşma informasiya texnologiyaları, poçt və elektron rabitə sahəsində əməkdaşlığı nəzərdə tutur.
Nazirlikdən bildiriblər: "Axırıncı dəfə bu barədə müzakirələr keçən ilin dekabr ayında Moskvada rabitə sahəsində Regional Birliyin yubiley tədbirləri çərçivəsində aparılıb. Danışıqlar çərçivəsində müqavilənin bəndləri barədə şifahi razılaşma əldə olunub".
Hazırda razılaşmanın imzalanması yeri və vaxtı dəqiqləşdirilir.
