Azərbaycanda Softline tədris mərkəzi "Qipromornefteqaz" Dövlət ETPİ mütəxəssislərinə təhsil verib. Bu barədə Trend mərkəzə istinadən xəbər verir.
Təhsil prosesində təşkilatın IT-mütəxəssisləri üç kurs dinləyiblər: Microsoft Windows Server 2003 yeni əməliyyat sisteminin inzibatçıları üçün nəzərdə tutulmuş "Microsoft Windows Server 2003 mühitinin idarə olunması və dəstəklənməsi"; Microsoft Windows Server 2003 şəbəkə mühitlərində dinləyicilərin Windows-kompüterlərinin köklənməsi üçün lazım olan bilik və təcrübə almasına imkan verən "Microsoft Windows Server 2003 şəbəkə infrastrukturun tətbiqi: Serverlər və işçi stansiyalar"; məqsədi - dinləyicilərin Microsoft Windows Server 2003 şəbəkə infrastrukturunun tətbiqi və idarəsi üzrə bilik və təcrübə ilə təmin edilməsi olan "Microsoft Windows Server 2003 şəbəkə infrastrukturunun tətbiqi: Şəbəkə xidmətləri".
Nəzəri məsələlərdən başqa, dinləyicilər praktiki tapşırıqları həll ediblər: uçot qeydləri və təşkilati vahidlər yaradıblar; şəbəkənin işində nasazlıqları axtarıb və aradan qaldırıblar; Windows Server 2003 mühitində çap prosesinin təşkili, marşrutlaşdırmanın köklənməsi, DHCP (Dynamic Host Configuration Protocol), DNS (Domain Name System) və WINS (Windows Internet Name Service) xidmətlərinin köklənməsi və inzibatçılığı, IPSec (Internet Protocol security) texnologiyası və sertifikatlardan istifadə etməklə, IP (Internet Protocol) protokolu üzrə ötürülən məlumatların mühafizəsi ilə məşğul olublar; uzaq müştərilər üçün qoşulmaların köklənməsi vasitəsilə şəbəkə çıxışı infrastrukturunu konfiqurasiya ediblər, eləcə də şəbəkə üzrə çıxışı və onun monitorinqini idarə ediblər.
"Softline Tədris mərkəzində bizim IT-mütəxəssislərimizin tədrisi, hər şeydən əvvəl, Microsoft Windows Server 2003 əməliyyat sistemi ilə işdə əməkdaşların ixtisasının artırılmasına yönəldilib. Biz qoyduğumuz məqsədə uğurla nail olmuşuq", - deyə "Qipromornefteqaz" Dövlət ETPİ-nin məlumat bazası və modelləşdirmə şöbəsinin rəisi qeyd edib.
"Məqsədimiz - yalnız yüksək keyfiyyətli təhsil vermək deyil, həm də dinləyicilərin bizə bir daha gəlmək istəmələri üçün əlimizdən gələni etməkdir", - deyə Softline şirkətinin Azərbaycandakı regional nümayəndəliyinin direktoru Alim Salahov qeyd edib.