Azərbaycan, Bakı /müx. Trend S.Babayeva/ Azərbaycanın "CASPEL" telekommunikasiya şirkəti IBM korporasiyası ilə saziş bağlayıb. Bu barədə şirkətin baş direktoru Mübariz Piriyev məlumat verib.
Onun sözlərinə görə, saziş şirkətə Azərbaycanın informasiya texnologiyaları bazarında IBM məhsullarını təqdim etməyə rəsmi şəkildə imkan verir.
IBM (International Business Machines) - Amerika şirkəti olub, bütün növ kompyuterlərin, kompyuter qurğularının və proqram təminatının dünya istehsalçısıdır.
M.Piriyev bildirib ki, analoji saziş həmçinin bu yaxınlarda "Fujitsu Siemens Computers" şirkəti ilə imzalanıb.
