Azərbaycan,Bakı/müxbir Trend S.Babayeva/Azərbaycanın Rabitə və İnformasiya Texnologiyaları Nazirliyinin "Azərpoçt" Dövlət Müəssisəsi "Maliyyə xidmətlərinin inkişafı" layihəsi çərçivəsində şəbəkə avadanlığı və proqram təminatı almaq niyyətindədir. Bu barədə müəssisədən məlumat verilib. Bu layihə Dünya Bankı ilə birgə həyata keçirilr.
Rabitə Nazirliyi qiymət təyin etmə ilə bağlı sorğu elan edib və təkliflər aprelin 24-dən qəbul olunacaq. Qiymət təyin etmə paketlərinin açılışı da həmin gün baş tutacaq.
Əsas komponenti ölkənin poçt şəbəkəsinin müasirləşdirilməsi olan üçillik layihənin dəyəri 17,5 mln dollar təşkil edir. 12,25 mln. dollar krediti Dünya Bankı təqdim edir, qalan hissə isə Azərbaycan hökumətinin payına düşür. Layihə çərçivəsində 1 min yeni iş yerinin açılması nəzərdə tutulub.
Rabitə Nazirliyi maliyyə və bank xidmətlərini artıq bu ildən etibarən tətbiq etməyi planlaşdırır.
