Azərbaycan, Bakı/ Trend / Azərbaycanın Rabitə Nazirliyinin nümayəndə heyəti Kiyevdə Rabitə sahəsində Regional Birliyin (RRB) poçt sahəsində Komissiyasının 24-cü toplantısında və RRB poçt operatorları Şurasının 13-cü toplantısında iştirak edib. Bu barədə Rabitə Nazirliyindən məlumat verilib.
Azərbaycan nümayəndə heyətinə Nazirliyin poçt sektoriunun müdiri, RRB Poçt rabitəsi komissiyasının sədr müavini Novruz Məmmədov rəhbərlik edib.
Görüşdə Ümumdünya Potçt İttifaqının 24-cü toplantısına hazırlıq məsələləri müzakirə olunub (13 avqust - 3 sentyabr 2008-ci il, Nayrobi, Keniya).
Konqresdə baxılacaq ÜPİ-nin reqlament sənədlərinin müasirləşdirilməsi, beynəlxalq mübadiləyə görə poçt operatorları arasında hesablama sistemi barədə, ÜPİ-nin fəaliyyətinin müasirləşdirilməsi və s. məsələlərin tarixi, RRB ölkələrinin bu barədə təklifləri barədə razılıq əldə olunub.
İştirakçılar Nayrobidəki ÜPİ konfransına hazırlıq mərhələsi hesab olunan "Poçt üçlüyü -2007" Strateji Forumunun hazırlanması və "Poçtun gələcək inkişafı" RRB Konfransı ilə bağlı müzakirələr aparıblar. RRB Konfransının yekunlarına müvafiq olaraq 2012-ci ilə qədər strateji vəaliyyət istiqaməti və prioritetlər hazırlanacaq.
RRB-yə üzv ölkələr arasında poçt göndərişlərinin qeydiyyatı beynəlxalq nəzarət sisteminə Belarus, Rusiya və Ukrayna operatorları da qoşulub.
Müzakirələrin yekununa əsasən RRB üzvlərinin poçt rabitəsi müssisələri arasında beynəlxalq poçt rabitəsinin keyfiyyət normativləri barədə Müqavilə imzalanmasının labüdlüyü barədə qərar qəbul olunub və saziş tipli layihə bəyənilib.
