Azərbaycan, Bakı /müx. Trend S.Babayeva/ Hazırda Azərbaycanın bölgələrində elektron ATS-lərin payı 65,9 faiz təşkil edir. Rabitə və İnformasiya Texnologiyaları Nazirliyinin mətbuat xidmətindən verilən məlumata görə, bu, "Aztelekom" İstehsalat Birliyinin Azərbaycanın rabitə və informasiya texnologiyaları sahəsində göstəricilərin yaxşılaşdırılmasına yönəlmiş tədbirləri və
"Elektron Azərbaycan" Dövlət Proqramı çərçivəsində görülən işlər sayəsində mümkün olub.
Nazirlikdən bildiriblər ki, "Aztelekom"un birinci rüb üzrə gəlirləri 28760,6 min manat təşkil edib. Bu, proqnozdan 7090,6 min manat, yaxud 32,7 faiz artıqdır.
Artım 2006-cı ilin analoji dövrü ilə müqayisədə 1698,6 min manat, yaxud 6,2 faiz təşkil edib. Əhali üçün ümumi həcmi 10158,8 min manat olan rabitə xidmətləri göstərilib. Bu, proqnozun 102 faiz yerinə yetirilməsi deməkdir. Göstərilən xidmətlərin həcmi 2006-cı ilin birinci rübü ilə müqayisədə 830,5 min manat, yaxud 8,9 faiz artıb.
