...

Azərbaycan MTF/STEFI poçt pul köçürmələrinin tətbiqi üçün ölkələrin sayını artırmağa hazırdır

Telekommunikasiya Materials 2 May 2007 13:02 (UTC +04:00)

Azərbaycan,Bakı/müxbir Trend S.Babayeva/ Azərbaycan MTF/STEFI sistemi üzrə elektron poçt pul köçürmələrinin tətbiqi üçün ölkələrin sayını artırmağa hazırdır. Bu barədə çərşənbə günü Azərbaycanın Rabitə və İnformasiya Texnologiyaları Nazirliyindən məlumat verilib.

Texniki nöqteyi-nəzərdən nazirlik keçən ildən danışıqlar aparılan Mərkəzi Asiya ölkələri ilə bu cür poçt əməliyyatlarını artıq bu gün tətbiq etməyə hazırdır. Ölkələr arasında ilkin razılıq artıq əldə olunub.

"Bu ölkələrin poçt admintsrasiyaları texniki cəhətdən hazır olan kimi sistemin tətbiqi üzrə işlərə başlanacaq", - deyə nazirliyin nümayəndəsi vurğulayıb. Bu xidmətlərin Estoniya ilə də tətbiqi məsələsi gündəlikdə qalır.

"Bu ölkə ilə əhəmiyyətli nəticələr əldə etmək mümkün olmayıb", - deyə nazirlikdən bildirilib.

İlin sonunadək ölkələrin müəyyən qərara gələcəkləri istisna edilmir.

Azərbaycan MTF/STEFI sistemi üzrə elektron poçt pul köçürmələrini Rusiya, Moldova, Belarus, Ukrayna, Qazaxıstan və Birləşmiş Ərəb Əmirlikləri ilə həyata keçirir. Yaponiya və Fransa da bu nöqteyi-nəzərdən Azərbaycan üçün cəlbedicidir.

Xəbər lenti

Xəbər lenti