Azərbaycan, Bakı/ Trend müxbir S.Babayeva/ Yanvar-aprel aylarında Azərbaycanda rabitə sahəsində olan ümumi 192,7 mln. manatdan 128,5 mln. manatını mobil rabitədən gələn gəlir təşkil edib. Dövlət Statistika Komitəsindən çərşənbə günü verilən məlumata görə, 2006-cı ilin yanvar-aprel ayları ilə müqayisədə bu göstərici 30,7 faiz artıb.
Komitənin məlumatına görə, Azərbaycanda aktiv və passiv istifadəçilər də daxil olmaqla mobil rabitə istifadəçiləri 3.6 mln. nəfər təşkil edir. Abonentlərin böyük əksəriyyəti - təqribən 2,5 mln.-dan çoxu Azercell BM-in abonentləridir.
Azercell Telecom-dan başqa Azərbaycanda GSM standartı üzrə Bakcell və Nar Mobile əmtəə nişanı ilə Azerfon BM də mobil rabitə xidmətləri göstərir.
