Azərbaycan, Bakı/ Trend / Azərbaycanın mobil rabitə operatoru Azərcell Telecom BM müştərilərinin istifadəsinə ABŞ-ın "Cincinnati Bell Wireless" və Filippinin "Globe Telecom" operatorları ilə GPRS/MMS rouminq xidməti istifadəyə verib. Şirkətin mətbuat xidmətindən verilən məlumata görə, bu, "Azərcell"-in ABŞ ilə sayca üçüncü, Filippin ilə isə birinci rouminq müqaviləsidir.
"Azərcell" abonentləri hazırda ABŞ-ın "T-Mobile" və "Cingular Wireless" operatorlarının xidmətindən yararlanırlar.
İndiyə qədər "Azərcell Telekom" BM42 ölkənin mobil rabitə operatorları ilə 90GPRS/MMS rouminq sazişi bağlayıb.
Şirkətin təqribən 2,5 mln. nəfər abonenti var. Şirkətin rabitə dairəsi Azərbaycan ərazisinin 78, respublika əhalisinin isə 99 faizini təşkil edir.
1996-cı ilin dekabrından fəaliyyətə başlayan şirkət ilk öncə müştərilərə sonradan ödəmə sistemi ilə xidmətlər təklif edirdi.
Azərcell Telecom BM Fintur Holdings BV (64,2 faiz) və Azərbaycanın Rabitə Nazirliyinin (35,7 faiz) birgə müəssisəsi hesab olunur. Fintur Holdings BV-nin səhmlərinin 58,55 faizi TeliaSonera şirkətinə, 41,45 faizi isə Türkcell-ə məxsusdur.
