Azərbaycan,Bakı/müx. Trend S.Babayeva/ Naxçıvan MR-in Bakıda yerləşən daimi nümayəndəliyindən bazar ertəsi verilən məlumata görə, yanvar -may aylarında Naxçıvan Muxtar Respublikasında 1501 ailə telefon nömrəsi əldə edib. Bu, ötən ilin yanvar -may ayları ilə müqayisədə 46 vahid (3,2%) çoxdur.
Bu dövr ərzində Naxçıvan MR ərazisində müəssisə və təşkilatlar tərəfindən rabitə sahəsində əhaliyə 5478,5 min manat dəyərində xidmət göstərilirb ki, bu 29,3% artım deməkdir.
Xidmətlərin 78%-i özəl şirkətlərin payına düşür ki, bu sahədə artım 31,3% təşkil edib.
Naxçıvan MR-nın Rabitə Nazirliyi tərəfindən göstərilən xidmətin dəyəri 1207, 7 min manat təşkil edib ki, bu, 2006-cı ilin analoji dövründən 22,5% çoxdur.
Göstərilən dövr ərzində Naxçıvan MR-in rabitə müəssisələrində işçilçərin sayı 827 nəfər təşkil edib və bu, ötən ilin göstəricisindən 2,4 dəfə çoxdur. Orta aylıq əmək haqqı 25,7 % artıb və 148,2 manat təşkil edib.
