Azərbaycan, Bakı, 6 iyun /Trend, müxbir E.Əliyev/
Azərbaycanın Əmək və Əhalinin Sosial Müdafiəsi Nazirliyi ölkənin 4 şəhərindəki Bərpa mərkəzlərinin əsaslı təmiri üzrə tender elan edilib.
Trend-in məlumatına görə, bu barədə cümə günü Tender komissiyasının rəsmi mətbuatda dərc olunan məlumatında deyilir.
Tender özündə 4 lotu birləşdirir:
- lot №1: Bakıda Uşaq Bərpa Mərkəzinin əsaslı təmiri;
- lot №2: Sumqayıtda Əlillərin Bərpa Mərkəzinin əsaslı təmiri;
- lot №3: Yevlaxda Əlillərin Bərpa Mərkəzinin əsaslı təmiri;
- lot №4: Naftalanda Əlillərin Bərpa Mərkəzinin əsaslı təmiri.
Hər bir lot üzrə tenderdə iştirakın dəyəri 200 manat təşkil edir. Dəyərinin iki faizi məbləğində bank zəmanəti ilə əsaslandırılmış tender təklifi iyulun 18-də saat 17.00-dan gec olmayaraq qəbul edilir. Təkliflərin açılışı 21 iyul saat 12.00-da baş tutacaq.
Əlavə məlumat almaq üçün Bakı şəhəri, Salatın Əsgərova küçəsi, 85 ünvanına müraciət etmək olar.
Telefon: +99412 596 6627.
