Bakı. Trend:
Lənkəran Dövlət Universitetinin həyətində yeni 4 mərtəbəli tədris binası inşa olunacaq.
Bu barədə Trend dövlət satınalmalarının vahid internet portalına istinadən xəbər verir.
Belə ki, Füzuli küçəsi 170 A ünvanında yerləşən tədris binasının həyətində tikiləcək yeni 4 mərtəbəli tədris binasının lahiyyə, smeta sənədlərinin hazırlanması işləri həyata keçiriləcək.
Universitet tədris binasının layihə-smeta sənədlərinin hazırlanması işlərinə 28 min manat vəsaitin sərf olunacağını proqnozlaşdırır.
Qeyd edək ki, Lənkəran Dövlət Universiteti 1991-ci ildə Bakı Dövlət Universitetinin filialı kimi fəaliyyətə başlayıb və 1992-ci ildə isə müstəqil dövlət universitetinə çevrilib.