Azərbaycan, Bakı, 24 may /Trend, müxbir İ.İsabalayeva/
30 "Eurovision" mahnı müsabiqəsində iştirak edən Ella Kastner Bakını çox bəyənib.
"Bakını çox bəyəndim. İştirak etdiyim hər Eurovision yarışmasını sevirəm, çünki mən bu müsabiqəyə illərdir pərəstiş edirəm", - Trend-in məlumatına görə, bunu Bakıya gələn "Eurovision" müsabiqəsinin ən yaşlı fanatı Kastner deyib.
O, 102 yaşında olmasına baxmayaraq, hələ də müsabiqəyə olan həvəsini içindən ata bilmir.
"Odlar Yurdu"nda keçirilən mahnı müsabiqəsindən danışan Ella "Eurovision 2012" müsabiqəsinin hər tədbirinə Azərbaycanın üç rəngli bayrağı ilə qatılır.
