Gürcüstan, Tbilisi, 04 fevral / Trend , müxbir N.Kirtsxalia / Azərbaycandakı gürcü diasporu azərbaycanlılarla eyni şəraitdə yaşayırlar. "Azərbaycanda yaşayan gürcülər Azərbaycan vətəndaşlarından heç də fərqlənmirlər və onlarla eyni şəraitdə yaşayırlar" - bazar ertəsi Gürcüstanın diaspor üzrə dövlət naziri Yulon Qaqoşidze Trend ə deyib.
"Azərbaycanda Gürcüstan diasporunun üç kateqoriyası yaşayır, bu, öz torpaqlarında tarixən yaşayan ingiloylar, yeni mühacirlər axını və türk-məshətilərdir" - dövlət naziri deyib.
O qeyd edib ki, hər üç kateqoriya Gürcüstan dövləti tərəfindən fərqli yanaşmalar tələb edir. "İngiloylar öz ərazisində yaşayırlar və onların Gürcüstan ərazisindən kənara düşmələri siyasi proseslərin nəticəsidir. Biz onlara yalnız dilin və mədəniyyətin inkişafı məsələlərində yardım göstərib, dini azadlıq hüquqlarını təmin edə bilərik. Bu mənada biz gürcü kitablarını göndərib, yerli pravoslav kilsəsinə yardım edə bilərik" - dövlət naziri deyib.
Dövlət naziri qeyd edib ki, yeni mühacir axını da diqqət tələb edir. Bunların arasında məişət çətinliyindən qonşu ölkəyə qaçan Gürcüstan azərbaycanlıları çoxluq təşkil edir.
"Mərkəzi Asiyadan qovulan türk-məshətilər - ayrı məsələdir. Bizim dövlət onları öz vətənlərinə qaytarmaq vəzifəsini üzərinə götürüb. Bu vəziyyətdə əlbəttə ki, bütün yanaşmaları biz nizamlamalıyıq və cilalandırmalıyıq. Bu da yaxın gələcəyin məsələsidir" - Qoqoşidze əlavə edib.
