Gürcüstan, Tbilisi, 15 avqust/ Trend , müxbir N.Kirtsxaliya/ Rusiya işğalçı qüvvələri beynəlxalq müşahidəçilərin Qoriyə buraxılmasının qarşısını hər vəchlə alırlar. Gürcüstanın İctimai Televiziyasının verdiyi məlumata görə, bü gün günorta Rusiya hərbçiləri BMT-nin hərbi müşahidəçilər missiyasını şəhərə buraxmayıb.
Rusiya hərbçiləri bəyan ediblər ki, şəhərə BMT müşahidəçilərinin buraxılması barədə onlarda əmr yoxdur.
BMT-nin Gürcüstanda müşahidəçilik üzrə missiyası məlumat toplamaq və bu barədə Nyu-Yorkdakı mərkəzi ofisi tanış etmək üçün Qoriyə buraxılmalarını tələb edib. Bu bəyanatlara baxmayaraq, onlar Qorinin yaxınlığını tərk etməli olublar.
Dünən BMT Baş Katibliyi tərəfləri atəşi dayandırmağa çağırıb.