Iran, Tehran, 17 noyabr/ Trend ,müxbir T.Cəfərov/ İran Polisinin Baş komandanı bildirib ki, Tehranda 30 min nəfərin iştirakı ilə keçirilən təlim daxili iğtişaşların qarşısını almaq üçündür.
İran Polisinin Baş komandanı General Əhmədi Müqəddəm Trend - a bildirib ki, Tehranda keçirilən "qüdrət, sabitlik və təhlükəsizlik" adlı təlim terrorizm, iğtişaşlar və təhlükəsizliyi pozan amillərin qarşısını almağa hazırlıq məqsədilə keçirilir.
O, daxili və xarici terrorşuların ölkə daxilində fəaliyyətinin qarşısını almaq məqsədi ilə xüsusi təlimlərin keçirildiyini bildirib.
İranın Mərkəzi Polis İdarəsinin mətbuat katibi general Mehdi Əhmədi noyabrın 11-də Trend -a bildirmişdi ki, Tehranda 30 min polis, 4000 polis maşını, 50 vertolyotun iştirakı ilə təlimlər başlayıb.
