Azərbaycan, Bakı, 16 yanvar/ Trend , müxbir Y.Ostapenko/ Latviyada vəziyyətin sabitləşdirilməsi üçün bütün qüvvələrin kooperasiyası lazımdır, - Latviyanın keçmiş xarici işlər naziri Sandra Kalniete hesab edir.
"Müxalifət və hökumət birlikdə işləməlidir", - Kalniete elektron poçtla Trend -a bildirib.
Latviya paytaxtında müxalif siyasi partiyalar, ticarət ittifaqları və qeyri-hökumət təşkilatları tərəfindən təşkil edilmiş dinc etiraz aksiyası çərşənbə axşamı, axşam parlamentin binası (Seymin) qarşısında kütləvi iğtişaşlara çevrilib. Riqanın mərkəzində toplanmış mindən çox insan prezidentdən parlamentin buraxılması üçün referendumun keçirilməsini tələb edirdilər.
2007-ci ildə bənzər etirazlar Baş nazirin istefasına gətirmişdi.
Bütün baş verənlərdən sonra bütün müxalifət partiyaları parlamentdə birgə işləmək və öz iqtisadi sabitləşmə variantını təklif etmək qərarına gəliblər, - Latviya və Avropa parlamentində təmsil olunmuş Vətəndaş İttifaqı partiyasının lideri olan Kalniete xəbər verib.
"Yeni hökumət yaradılsa, biz hökumətdə iş üşün ən yaxşı namizədlərimizi təklif etməyə hazırıq", - o deyib.
Keçmiş nazirin rəyinə görə, ilk növbədə iqtisadiyyatı sabitləşdirmək lazımdır;insanlar iş yerlərini itirməkdən qorxurlar. "Biz, işlərini itirərlərsə, insanları banklardan necə müdafiə etmək barədə düşünməliyik", - Kalniete əlavə edib.
Riqada həyəcanlar əhalinin hökumətin iqtisadi böhranla mübarizə üsullarından narazılığı ilə əlaqədar baş vermişdi. Latviya Avropa İttifaqında ən güclü iqtisadi tənəzzül yaşayır. Ölkə hökuməti bütün dövlət idarələrinin xərclərinin 15 faiz azalmasını, büdcə işçilərinin əmək haqlarının dondurulması, vergilərin artırılmasını nəzərdə tutan iqtisadiyyatın sabitləşdirilməsi planını hazırlayıb.
Latviya Beynəlxalq Valyuta Fondundan 7,5 mlrd. avro məbləğində - ölkənin illik ÜDM-ni ötən məbləğdə kredit götürüb. Hökumətin daha bir populyar olmayan tədbiri əlavə dəyər vergisinin (ƏDV) artırılması olub ki, bu da məhsulların bahalaşması ilə nəticələnib.
Etiraz aksiyası nəticəsində, Latviya prezidenti Valdis Zatlers bəyan edib ki, martın 31-dək Latviya Seymi Konstitusiyaya xalqın parlamenti buraxmaq təşəbbüsünü irəli sürmək hüququnu nəzərdə tutan düzəlişləri qəbul etməzsə, o, Seymin buraxılması haqqında referendum elan edəcək, - İnterfax xəbər verib.
"İndi insanlar bir qədər sakitləşiblər;əmindirlər ki, hökumət və parlament insanların xahişlərini yerinə yetirməzlərsə, prezident parlamenti buraxafcaq. Bizə yalnız gözləmək və vəziyyəti izləmək qalır", - o hesab edir.
Seym Konstitusiyaya düzəlişləri qəbul etməsə, xalqın parlamenti buraxmaq və seçki sistemini yaxşılaşdırmaq imkanı olacaq, - Kalniete deyib.
Latviyada 2,3 mln. əhalinin,365 mindən çoxunun vətəndaşlığı yoxdur. Latviyanın SSRİ-dən ayrıldığı 1991-ci ildən bəri, onlar əksər siyasi hüquqlardan, o cümlədən seçmək hüququndan məhrum ediliblər. "Qeyri-vətəndaşlar" 1940 -1989 - cu illərdə Sovet İttifaqının digər ölkələrindən yaşamaq üçün Latviyaya gələnlərdir.
Müəlliflə əlaqə saxlamaq üçün elektron ünvan: [email protected]
